Gentan Koçoli është arrestimi i 27-të në kuadër të operacionit antidrogë “Knock Down 2”.
Ai akuzohet për shitje dhe prodhim lëndësh narkotike dhe u kap në Korçë.
Ndalimi i tij u bë pasi Gjykata e Rrethit Gjyqësor Korçë i ka caktuar masën e sigurisë “Arrest në burg”. Ende në kërkim nga ky operacion janë 8 shtetas.
“Shkon në 27 numri i të ndaluarve dhe në 8 numri i të shpallurve në kërkim.
Në vijim të punës për vënien përpara përgjegjësisë ligjore, të personave të shpallur në kërkim në kuadër të operacionit antidrogë “Knock down 2”, të finalizuar më datë 28.10.2022, për goditjen e veprimtarisë kriminale në fushën e prodhimit dhe shpërndarjes së lëndëve narkotike, specialistët e Seksionit për Hetimin e Trafikut të Paligjshëm dhe Narkotikëve në DVP Korçë bënë ndalimin e shtetasit në kërkim Gentian Koçoli, 39 vjeç, banues në Korçë,” ka njoftuar policia.
