Pas një restaurimi të kujdesshëm, godina që dikur shërbeu si maternitet në Korçë është transformuar dhe do të përdoret tani për administratën e “Polit të Dijes”.
Ky projekt i rëndësishëm është pjesë e zhvillimit të një kampusi të ri universitar në qytet.
Kryeministri Edi Rama ka shpërndarë lajmin përmes rrjeteve sociale, duke theksuar vlerën historike të ndërtesës dhe rëndësinë që ka për komunitetin.
“Mirëmëngjes, dhe me rilindjen e godinës historike të dikur maternitetit të Korçës, ndërtuar si dhuratë e të pavdekshmit Thoma Turtulli për qytetin e tij, e cila u shpëtua nga asgjësimi e do të shërbejë plot hir si qendra administrative e Polit të ri të Dijes, ju uroj një javë të mbarë,” shkruan Rama.
