Një aksident ka ndodhur ditën e sotme rreth orës 10:05 në aksin rrugor “Gjirokastër-Tepelenë” ku janë përplasur dy automjete dhe për pasojë kanë mbetur të lënduar drejtuesit.
Përplasja ka ndodhur në vendin e quajtur “Virua”.
Automjeti i tipit “Benz” i cili drejtohej nga 25-vjeçari me iniciale G. M. është përplasur me Ford-in e drejtuar nga 35-vjeçarja me inicialet J. B.
Menjëherë pas aksidentit të dy drejtuesit janë dërguar në Spitalin Rajonal Gjirokastër ku dhe kanë marrë ndihmën mjekësore.
Në vendngjarje ndodhet grupi hetimor, i cili po punon për zbardhjen e shkaqeve të aksidentit.
