Princi Harry flet për “rrjedhjen dhe… mbjelljen e historive” si pjesë e një “loje të pistë” në një traileri të ri për serialin Harry dhe Meghan në Netflix.
Ai përshkruan dhimbjen dhe vuajtjen e grave që martohen në këtë institucion në një referencë të dukshme për gruan e tij, Meghan, dhe nënën, Princeshën Diana.
Të enjten do të shfaqen tre episode.
Tre episode të tjera të rrëfimit të Dukës dhe Dukeshës së Sussex për jetën mbretërore do të pasojnë më 15 dhjetor. Mbi një imazh të anëtarëve të familjes mbretërore në ballkonin e Pallatit Buckingham, Princi Harry thotë: “Ka një hierarki të familjes. Ju e dini se ka rrjedhje, por ka edhe mbjellje të historive.”
Princi Harry dhe Meghan, të cilët nuk janë më “familje mbretërore që punojnë”, nuk u lejuan në atë ballkon simbolik për jubileun Platinum të Mbretëreshës Elizabeth të ndjerë.
Traileri për serialin me gjashtë pjesë tregon një rrëfim të shpejtë të marrëdhënies së vështirë të çiftit me anëtarët e tjerë të familjes mbretërore, median dhe publikun – e cila përfundoi me transferimin e Princit Harry dhe Meghan në SHBA.
