Sulmi ndaj Berishës në protestën opozitare të ditës së sotme ka bërë jehonë në mediat ndërkombëtare.
Daily Mail, shkruan se Berisha u sulmua nga një bandit sot teksa po zhvillohej një protestë antiqeveritare në Tiranë.
Lideri i opozitës, 78 vjeç, po drejtonte qindra protestues drejt vendit të një samiti të liderëve të BE-së dhe homologëve të tyre të Ballkanit Perëndimor në Tiranë, kur një burrë 31-vjeçar doli nga turma dhe sulmoi politikanin.
Mijëra mbështetës të opozitës u mblodhën në Tiranë teksa Shqipëria mbante samitin e parë mes Bashkimit Europian dhe Ballkanit perëndimor, për të protestuar kundër qeverisë së kryeministrit Edi Rama dhe për të kërkuar zgjedhje të parakohshme.
Zoti Berisha akuzoi drejtpërdrejt zotin Rama për sulmin, duke thënë se ai donte të ndalonte opozitën nga organizimi i protestës.
