Policia greke ka arrestuar Maria Geleticova pasi ka mashtruar disa biznesmenë në Patra.
Ajo ishte në listën e të kërkuarve që nga 2 shtatori i vitit 2021.
Geleticova prezantohej si grua britanike e një drejtuesi të lartë të një organizate të madhe. Ajo mashtronte biznesmenët dhe nuk paguante në hotelet ku qëndronte.
Mashtruesja e cila paraprakisht mendohet se ushtron edhe profesionin e eskortës është arrestuar në një hotel në Korinth.
Sipas gazetës “Peloponnisos”, një shofer taksie ka raportuar për gjetjen e saj.
Ajo i siguroi taksistit se do të depozitonte pagesën në mënyrë elektronike në llogarinë e tij bankare gjë që nuk e bëri.
Shoferi menjëherë e denoncoi atë në polici dhe bënë të mundur arrestimin e saj hotelin ku po qëndronte.
Të paktën dy pronarë hotelesh kanë kontaktuar mediat greke duke treguar se Geleticova që mbante kudo me vete qenin e zi u largua pa paguar.
Aksioni i mashtrueses që shëtit me qen të zi në krahë u zbulua fillimisht në Patra, ku qëndroi për katër ditë në suitën e një hoteli të njohur dhe u largua pa paguar.
Por numri i ankesave dhe denoncimeve ndaj saj priten të rriten pasi të zbulohet se ajo është arrestuar.