Reshjet e shiut do të jenë të dobëta për dy ditën në vazhdim, çka tregon se rreziku nga përmbytjet ka kaluar.
Por sipas parashikimit të IGJEUM, reshjet me intensitet të lartë mund të rikthehen të mërkurën dhe e gjitha java do të jetë me reshje shiu.
Reshjet do të përqendrohen kryesisht në veri dhe jug të vendit.
Kjo javë e dytë e dhjetorit do të jetë e ngrohtë me temperatura aspak normale për stinën, vlera maksimale e të cilave shkon deri në 15 gradë.
Po ashtu, dhjetori do të jetë një muaj pa borë.
