Ambasada amerikane në Berlin ka njoftuar ditën e sotme se Gjermania do të blejë 35 avionë luftarakë amerikanë F-35 si pjesë e modernizimit të forcave të saj të armatosura.
Gjatë njoftimi ambasada u shpreh se zyra Federale e Bundeswehr-it (Ushtrisë Gjermane) për Pajisjet dhe Teknologjinë e Informacionit ka nënshkruar një kontratë me Forcën Ajrore të SHBA-së për blerjen e 35 avionëve luftarakë F-35A Lightning II, që do të dorëzohen midis viteve 2026-2029
Berlini kishte njoftuar marsin e kaluar se do të blinte 35 avionë Lockheed Martin si dhe 15 Eurofighters për të zëvendësuar luftëtarët e tij të vjetër Tornado.
Por në fillim të dhjetorit, ministria gjermane e mbrojtjes shprehu dyshime duke folur për “kostot shtesë” të F-35 në një email drejtuar Komitetit të Buxhetit të Parlamentit.
Bundestagu, dhoma e ulët, më në fund sot dha “dritën jeshile” që tregtia të vazhdojë.
Bundestag miratoi gjithashtu plane të tjera, si blerja e pushkëve të sulmit që do të financohen nga fondi special prej 100 miliardë eurosh i krijuar pas pushtimit rus të Ukrainës për të modernizuar ushtrinë gjermane.
Ministrja e Mbrojtjes Christine Lambrecht i quajti vendimet “shumë të rëndësishme”, një shenjë se parlamenti mbështet Bundeswehr-in.
Çështja e zëvendësimit të flotës së vjetër Tornado, e cila daton në vitet 1980 dhe 1990, ka qenë një shqetësim në botën politike të Gjermanisë prej vitesh.
Vendi aktualisht ka 93 avionë të tillë, disa prej të cilëve tani janë në gjendje të keqe.
