Lionel Messi e kapi për dore Argjentinën dhe e çoi në Tokën e Premtuar që nuk është tjetër veçse fitimi i trofeut të Kupës së Botës.
Sapo arbitri polak Marciniak shfryu bilbilin e fundit, nëna e Messit, Celia Maria Cuccitini, “pushtoi” fushën e stadiumit Lusail Iconic dhe pasi shpërtheu në të qara përqafoi fort djalin e saj.
Nga afër, të dy djemtë e Messit që festuan me të suksesin e madh të Argjentinës.
Lionel Messi hugs his mother ❤️ #FIFAWorldCup pic.twitter.com/Hz6uGV32ZX
— Farid Khan (@_FaridKhan) December 18, 2022
Argjentina feston më në fund fitoren e kupës së Botës. Një triumf i ardhur me meritë dhe me shumë vuajtje, vetëm pas penalltive me Francën kombëtarja Albiceleste u shpall kampione.
120 minutat u mbyllën 3-3, të besuarit e Scalonit nuk falën nga 11-metërshat, duke marrë kështu trofeun në shtëpi.
Emocionet nuk kishin fund as në ceremoninë pas takimit. Messi ngre lart trofeun në qiell për herë të parë, titull ky i merituar për atë çka “pleshti” i ka dhënë futbollit.
VIDEO/ Messi ngre në qiell trofeun, Argjentina zyrtarisht kampione e Botës!
