Princi Harry dhe Meghan Markle mund të jenë të pranishëm në kurorëzimin e mbretit Charles III. Por vetëm me një kusht: Windsors duhet së pari t’i kërkojnë falje “çiftit rebel” .
“Mirror” shpjegon se Duka dhe Dukesha e Sussex-it kanë kërkuar nga anëtarët e moshuar të familjes mbretërore një takim gjatë të cilit presin që ata ” të marrin përgjegjësinë për dhimbjen dhe dëmin që u kanë shkaktuar atyre viteve të fundit”.
Dhimbja dhe dëmi për të cilin janë rikthyer të ankohen edhe në dokumentarin e tyre “Harry&Meghan”, përfshin akuzat për racizëm që kanë dalë sërish në dritë dhe është folur për marrëdhënien e vështirë të Princit Harry me vëllain e tij William dhe babain Charles.
“Raportet e reja thonë se Duka dhe Dukesha e Sussex-it po kërkojnë një takim personal ballë për ballë me anëtarët e vjetër të familjes mbretërore ”, shkruan Mirror . “Të dy”, shton The Times , “duan që ky takim, në të cilin presin një falje të vërtetë, të bëhet përpara datës 6 maj, ditë në të cilën caktohet kurorëzimi i Charles”.
