Sot u prezantua kreu i ri i SPAK-ut, që është Altin Dumani. Vetëm pak orë pasi mori detyrën, nisma “Thurje” i shkoi tek dera e institucionit duke i dorëzuar në mënyrë simbolike një kalendar me pesë prioritete, që janë dosje të bujshme që janë; koncesionet e sterilizimit, inceneratorët, tenderat e rrugëve, mafia e ndërtimit dhe shembja e teatrit.
“Veprat po parashkruhen dhe ata që kanë vjedhur bëhen të pa proceduar penalisht. Sot është dita e parë e punës së kreut të ri të SPAK-ut. I kemi sjellë një dhuratë, kalendar për vitin 2023, i cili mund të varet në zyrë dhe të shërbejë si axhendë për të paktën 5 prioritete.
Mund ta nisë punën me kallëzimin e dorëzuar nga nisma për koncesionin e sterilizimit, me koncesion e inceneratorëve, tenderat e rrugëve, pastrimi i parave në mafien e ndërtimit në Shqipëri dhe nëse kanë shkuar deri te kryetari i bashkisë, por edhe shembjen e teatrit. Zoti Dumani sot nisi mandatin tuaj të ri, na bëni të besojmë se 2023 do të jetë fillimi i pandëshkueshmërisë. Ju lutem mos na zhgënjeni” tha Endri Shabani.
Dumani zyrtarisht shef i SPAK-ut: Tani prisni luftë agresive kundër të korruptuarve
