Në Gjykatën e Posaçme është zhvilluar seanca gjyqësore ndaj ish-presidentit Ilir Meta dhe ish-deputetes Monika Kryemadhi, ku mbrojtja ka kundërshtuar provat e paraqitura nga SPAK dhe ka kërkuar shpalljen e pavlefshme të disa prej tyre, duke pretenduar se janë marrë në shkelje të procedurave ligjore.
Avokati i Ilir Metës, Kujtim Cakrani, ka deklaruar se përfshirja e klientit të tij në dosje është bërë në mënyrë të mëvonshme dhe se një pjesë e materialeve nuk mund të përdoren si prova në proces. Ai ka kërkuar përjashtimin e disa elementeve, përfshirë intervista televizive, SMS të vitit 2009, video-përgjime dhe vendime arbitrazhi.
“Më 15 faqe është çështja e shekullit, ndërsa pjesa tjetër është mbushje”, është shprehur Kujtim Cakrani në sallën e gjyqit, duke e cilësuar procesin si të motivuar politikisht.
Meta në gjyq: Akuzat për CEZ-DIA nuk qëndrojnë, janë gënjeshtra
