Risena Xhaja, drejtoresha e kadastrës së Durrësit ka dhënë dorëheqjen nga posti. Xhaja drejtoi këtë institucion për rreth 1 vit.
Edhe pse ende nuk dihen shkaqet e këtij vendimi, lajmi konfirmohet nga burime pranë Agjencisë së Kadastrës.
Xhaja që më herët mbante postin e zv.drejtoreshës së Përgjithshme të Kadastrës, zëvendësoi një vit më parë Rajmonda Dashin për postin e drejtuesit të Durrësit.
Ende nuk ka asnjë emër të përfolur për të qenë në krye të Kadastrës së Durrësit.
Ky institucion prej disa muajsh është në hetim për abuzime me pronat dhe falsifikime të dosjeve.