Policia e Durrësit ka arrestuar 2 persona pasi u kapën në flagrancë duke vjedhur në një servis automjetesh.
Të arrestuarit janë përkatësisht 33-vjeçari Edison Shgarthi dhe 40-vjeçari Saleo Rexhepi.
Gjithashtu, si rezultat i veprimeve hetimore u zbardhën me prova ligjore edhe 3 vjedhje të tjera të kryera nga këta shtetas në banesa të ndryshme në fshatrat Arapaj dhe Shkallnur si dhe në Durrës gjatë periudhës nëntor-dhjetor të vitit 2022.
Materialet i kaluan Prokurorisë pranë Gjykatës së Rrethit Gjyqësor Durrës për veprime të mëtejshme në lidhje me rastin dhe zbardhjen e veprave të tjera të kryera nga të arrestuarit.
