Kreu aktual i SHISH Oltian Kanushi së bashku me Gent Sejkon, guvernatorin e Bankës së Shqipërisë kanë takuar këtë të martë kryeministrin Edi Rama.
Lajmi është bërë i ditur nga ministri i Mbrojtjes, Niko Peleshi. Ky i fundit është pyetur nga gazetarët në lidhje e sulmet e fundit nga hakerat dhe ka pohuar se Sejko e Kanushi janë pritur në zyrë nga Rama.
Ende nuk dihet se për çfarë do të diskutohet apo masat që do të merren për mos t’u prekur interesat e qytetarëve.
Gjithsesi, Pelishi është shprehur se nuk ka siguri 100% për qytetarët.
“Unë jam anëtar i kabinetit qeveritar, mund të konfirmoj dhe mund ta them që askush nuk ka një siguri 100%. Garanci dhe mure 100% të sigurta nuk ka, ne kemi rritur shumë vigjilencën dhe komunikimin. Me statistikë më shumë se 90% e sulmeve kibernetike kanë sukses për shkak të faktorit njeri,” tha ai.
