Futbollisti Shendrit Ameti ka ndërruar jetë në një aksident automobilistik teksa po kthehej në Kosovë për të festuar festat e fundvitit. Ai po udhëtonte së bashku me nënën dhe vëllanë e tij, ndërkohë që një kampion ka goditur mjetin e tyre.
Përplasja ka rezultuar fatale për 24-vjeçarin, teksa dy familjarët e tij ndodhen në gjendje të rëndë. Klubi Mynçen 1860 ku ai luante prej vitit 2019 ka reaguar përmes një postimi duke ngushëlluar familjarët për këtë humbje.
“Jemi të tronditur nga lajmi i vdekjes së Ametit. Munchen 1860 mban zi për humbjen e tij. Natyra e tij miqësore dhe e pëlqyeshme do të mbahen mend gjithmonë nga të gjithë ata që e njohën. Ne i përulemi Shendritit në shenjë mirënjohjeje dhe respekti. Ngushëllimet tona të përzemërta shkojnë për familjen e Shendrit dhe të gjithë ata që vajtojnë vdekjen e tij”, shkruhet në postimin e tyre.
