Policia ka reaguar lidhur me aksidentin që u shënua ditën e sotme të ‘Rruga e Arbrit’ ku një fadromë ka humbur kontrollin dhe për pasojë është lënduar një punonjës.
Policia njofton se i lënduari është L.V., i cili është dërguar pranë spitalit për ndihmë mjekësore.
“Në afërsi të tunelit të Murrizit, gjatë punës shtetasi L.V., duke drejtuar mjetin tip fadromë në pronësi të një subjekti, ka humbur kontrollin mbi mjet duke rënë në anë të rrugës. Për pasojë është lënduar drejtuesi i mjetit i cili është dërguar për ndihmë mjekësore në spital. Grupi hetimor po kryen hetimet në vendngjarje për zbardhjen e shkaqeve të aksidentit”, njofton policia.
