Kryetari i PD-së, Sali Berisha i kërkoi sot Edi Ramës dorëheqjen dhe largimin për shkak të skandaleve të fundit. Ish-kryeministri duke komentuar arrestimin e sekretarit të ministrisë së Financave dha një tjetër version për ngjarjen.
“Ministria e Financave sipas njërit variant është paguar dy herë i njëjti objekt, por sipas një varianti tjetër kjo është e pavërtetë. Ka zbatuar një vendim gjykate dhe është një hakmarrje mes zyrtarëve në nivele të ndryshme.
LIVE-Berisha: Pastruesja e parave është kërcënuar nga qeveria që të mbyllë gojën
Nëse është varianti i parë është krim i shëmtuar, nëse është varianti i dytë është sërish një krim shumë i rëndë. Organizohen kurthe të cilat nuk i shërbejnë luftës kundër korrupsionit, por të kundërtës. Jam marrë me këtë problem.
Ne po bëjmë verifikimet, do të kemi qëndrimin përfundimtar për këtë çështje. Të gjitha këto rrëzojnë, jo një, por tre qeveri, por Edi Rama kalon sikur nuk ka ndodhur asgjë. Në vend të një dorëheqje të menjëhershme për rastin Klosi” tha ai.
