Kreu i PD-së së Dibrës Ilir Krosi, ka njoftuar mbrëmjen e djeshme se ka dhënë dorëheqjen na ky post. Në një status të gjatë në rrjetet sociale ai thotë se shkak që ai të marrë këtë vendim është bërë procesi i Primareve.
Shkak për këtë vendim sipas Krosit është bërë procesi i Primareve për bashkinë e Peshkopisë. Ai shpreh rezerva për mënyrën se si u zhvilluan zgjedhjet, që në fund nxorën fitues Ismail Ukën me 1 votë më shumë se Besnik Alku në raundin e dytë.
Më tej, Ilir Krosi thekson se është akuzuar se ka qenë i njëanshëm. Mësohet se gjatë një mbledhjeje kryesie atë e kanë akuzuar për njëanshmëri.
