Pasagjerët që do të niseshin mbrëmjen e djeshme nga porti i Durrësit në drejtim të Barit kanë kaluar natën në traget.
Dy lundrimet e trageteve të planifikuara për mbrëmjen e kaluar nga Durrësi drejt Barit janë anuluar, për shkak të motit të keq, ndërsa edhe anijet tregtare dhe ato të peshkimit ndodhen të siguruara në kalatat portuale deri në një urdhër të dytë të Kapitenerisë së Portit.
Forca e erës aktualisht varion deri në 35 m/s dhe forca e detit në det të hapur shkon deri në 7 ballë.
Edhe Gjirokastra ka patur mot të rënduar për shkak të reshjeve të shumta dhe erës së fortë, por këtë herë problematika ka qenë më e vogël.
Problematika janë hasur në furnizimin me energjie elektrike në disa fshatra për shkak të erës. Aktualisht po punohet për vënien në punë të tyre.
