Kryeministri Edi Rama ka mohuar lidhjen e ngushtë me ish-zyrtarin e lartë të FBI-së, McGonigal pas arrestimit ditën e shtunë në Amerikë.
Disa muaj më parë, kreu i qeverisë shqiptare shprehej me krenari se e kishte mik McGonigal, por sot bëri një tërheqje.
“Fjala mik është shumë e madhe. Unë kam folur në gjuhën angleze për natyrën e marrëdhënies. Një raport miqësor. Kam thënë që po, ka qenë mik, por jo mik që kam ndarë me të jetën.
E kam takuar në zyrën më të rëndësishme të FBI-së në Nju Jork. Më ka prezantuar me kolegë të tjerë dhe që u shfaqën si aparatura përgjimi. Ka ardhur në Shqipëri. Jemi takuar” tha ai.