Policia ka arrestuar një 39-vjeçar në Elbasan i shpallur në kërkim më parë për tentativë vrasjeje me dashje. Sipas policisë, në datën 17 Qershor të vitit të kaluar ai kishte qëlluar me armë zjarri drejt një automjeti në lëvizje por fatmirësisht nuk pati të lënduar.
“U ndalua E. M., 39 vjeç, banues në Elbasan, pasi Gjykata e Rrethit Gjyqësor Elbasan, me vendimin e datës 22.06.2022, i ka caktuar masën e sigurisë “Arrest në burg”, për veprat penale “Vrasja me dashje”, mbetur në tentativë dhe “Mbajtja pa leje dhe prodhimi i armëve, armëve shpërthyese dhe i municionit”.
Më datë 17.06.2022, në lagjen “Skënderbej”, Elbasan, ka qëlluar me armë zjarri pistoletë, në drejtim të një automjeti që ndodhej në lëvizje, duke shkaktuar për pasojë, vetëm dëme materiale” thuhet në njoftimin zyrtar të policisë.
