Antonio Conte ka konfirmuar se ndërhyrja kirurgjike për ta hequr fshikëzën e tëmthit ka shkuar mirë dhe ka thënë se mezi pret të kthehet në punë, teksa do të kalojë një periudhë rikuperimi.
Trajneri i Tottenham Hotspur është operuar sot në Itali, pasi ishte diagnostikuar me kolecistit.
53-vjeçari ishte diagnostikuar me këtë gjendje, pasi kishte vuajtur nga dhimbje të mëdha abdominale kur po qëndronte me familjen e tij në Torino, pas fitores në Kupën FA ndaj Prestonit.
Strategu italian e ka publikuar një mesazh në Instagram për të konfirmuar se operacioni ka shkuar mirë dhe i ka falënderuar tifozët për mbështetjen e tyre.
“Faleminderit për mesazhet e bukura, operacioni im ka shkuar mirë dhe tashmë po ndihem më mirë. Tani është koha për t’u shëruar, mezi pres të kthehem në fushë me skuadrën”, ka shkruar Conte.
