Katër burra janë dënuar me burgim pasi ndihmuan personin e armatosur që kreu sulmin vdekjeprurës në Vjenë në nëntor të vitit 2020. 20 vjeçari me origjinë shqiptare Kujtim Fejzulai vrau 4 persona dhe plagosi 23 të tjerë në një sulm të armatosur në qendër të Vjenës, përpara se policia ta qëllonte për vdekje.
Dy nga bashkëpunëtorët u dënuam me burgim të përjetshëm ndërsa dy të tjerë me 19 dhe 20 vjet burg. Autori 20-vjeçar, i cili kishte shtetësi austriake dhe maqedonase, ishte radikalizuar në Austri dhe kishte vuajtur 18 muaj burg për përpjekje për t’u bashkuar me grupin xhihadist Shteti Islamik (IS).
- Heydayatollah Z, 28 vjeç, ADN-ja e të cilit u gjet në armën e vrasjes kallashnikov dhe jetoi në banesën e vrasësit për disa javë, u dënua me burgim të përjetshëm.
- Burak K, 24 vjeç, i cili vizitoi vrasësin disa orë para sulmit, u dënua me 20 vjet burg.
- Adam M, i cili pranoi se kishte siguruar një armë për 500 euro, gjithashtu u dënua me burgim të përjetshëm.
- Ishaq F, 22 vjeç, i cili ishte në burg me Fejzulai dhe ishte në dijeni se kishte planifikuar për një sulm, u dënua me 19 vjet.
