Një tërmet i fuqishëm me magnitudë 7.4 goditi Turqinë jugore dhe Sirinë veriore herët të hënën, duke rrënuar ndërtesa dhe duke vrarë mbi 800 njerëz. Lëkundja kryesore zgjati 30 sekonda.
Me qindra të plagosur, numri i viktimave pritet të rritet ndërsa punonjësit e shpëtimit po kërkojnë nëpër rrënojat në të gjithë zonën.
Në të dy anët e kufirit, banorët e zgjuar nga tërmeti para agimit dolën jashtë në një natë dimri të ftohtë, me shi dhe borë, ndërsa ndërtesat u rrafshuan përdhe.
Sipas mediave shtetërore siriane, numri i të vdekurve në zonat e kontrolluara nga qeveria në Siri është rritur. Në internet janë të shumta pamjet që tregojnë momentet e tmerrit nga goditjet.
“Ne shpresojmë ta kalojmë këtë fatkeqësi së bashku sa më shpejt të jetë e mundur dhe me dëme më të vogla”, shkroi presidenti turk Recep Tayyip Erdogan.
