Kryeministri i Kosovës, Albin Kurti ka shprehur ngushëllimet më të thella përmes një letre drejtuar presidentit të Turqisë, Rexhep Taip Erdogan për tragjedinë që shkaktoi tërmeti që goditi sot Turqinë.
Në letër Kurti shprehet se në këtë kohë të vështirë Kosova është pranë Republikës së Turqisë dhe popullit turk dhe është e gatshme mbi bazën e kapaciteteve të saj me Forcën e Sigurisë së Kosovës, Policinë e Kosovës, Agjencinë për Menaxhimin e Emergjencave dhe ekipet mjekësore, që të ndihmoj në kalimin e kësaj tragjedie.
Qeveria e Kosovës ka miratuar vendimin për dërgimin e FSK-së për ndihmë humanitare në rajonet e prekura nga tërmeti i sotëm.
