Baloni që u shfaq të dielën në hapësirën ajrore të Koresë së Jugut nga Koreja e Veriut nuk përbën kërcënim.
Kështu është raportuar nga Ministria e Mbrojtjes e Koresë së Jugut, sipas faqes së lajmeve NKNews.org.
Edhe pse balona nga Koreja e Veriut u shfaq vetëm disa ditë pasi balona spiune kineze u rrëzua në hapësirën ajrore të SHBA.
Seuli “e mbylli” çështjen pasi ushtria koreano-jugore ndërmori veprime kundër balonës.
Megjithatë, ministria e mbrojtjes e Koresë së Jugut nuk dha detaje të mëtejshme rreth balonës, si përmasat e tij apo vendndodhjen e saktë ku u gjet.
Sipas faqes së internetit të KBS të Koresë së Jugut, e cila citoi një burim të lartë ushtarak i cili foli në kushte anonimiteti, një njësi ushtarake e pa balonën e dyshimtë në orën 6:30 të mëngjesit të së dielës në distriktin Yeoncheon të provincës Gyeonggi, pranë kufirit me Korenë e Veriut.
Një burim i paidentifikuar ushtarak tha se nuk është e pazakontë që Seuli të dallojë balonat e vëzhgimit meteorologjik në hapësirën ajrore të vendit që po lëshohen nga ushtarët e regjimit të izoluar të Kim Jong Un.
Baloni i Koresë së Veriut u pa mbi Korenë e Jugut vetëm disa ditë pasi Uashingtoni tha se një balonë spiune kineze ishte parë mbi hapësirën ajrore të SHBA më 28 janar.
Pekini mohoi fuqimisht se baloni ishte “i dyshimtë”, por pranoi se ishte me origjinë kineze dhe po kryente studime meteorologjike kur doli nga kursi. dit.
