Një 39-vjeçar shqiptar ka ndërruar jetë sot si pasojë e një aksidenti rrugor të ndodhur në Mercatale Valdarno të Italisë.
Në aksident janë përfshirë dy makina të cilat janë përplasur kokë më kokë duke bërë që shqiptari të ndërronte jetë në vend.
Për shkak të aksidentit ka mbetur e plagosur lehtë një grua 49 vjeçare e cila është dërguar në spital dhe tashmë ndodhet jashtë rrezikut për jetën.
Shqiptari po drejtonte makinën të tipit “Lancia Y” e cila u përplas me makinën e tipit “Peugeot” e cila drejtohej nga gruaja 49-vjeçare.
