Ministrja e Jashtme Olta Xhaçka deklaroi sot se asnjë qytetar me shtetësi shqiptare nuk është prekur nga tërmeti tragjik që goditi Turqinë dhe Sirinë. Por, ministrja theksoi se 10 familje me origjinë shqiptare janë prekur nga tërmeti.
“Nuk kemi asnjë informacion që shqiptarë të kenë qenë rezidente të këtyre zonave apo të kenë humbur kontaktet me familjarët e tyre.
Kemi pasur informacion për rreth 10 familje me origjinë shqiptare, të parët e tyre janë zhvendosur në Turqi 100 vite më parë.
Pra jo me nënshtetësi shqiptare, por me origjinë shqiptare, që fatmirësisht tani janë në kontakt me të afërmit e tyre pavarësisht se e kishin humbur në momentet e para” tha ajo.
