Po vijon operacioni për shpëtimin e volejbollistes 24-vjeçare dhe një të mitur që janë bllokuar nën rrënojat e një ndërtese në Antioki pas tërmetit të fuqishëm 7.8 Rihter në Turqi.
Pas kërkesës së familjes së 24-vjeçarit, EMAK do të qëndrojë në pikën ku operon gjatë largimit të skuadrës turke.
Sipas informacioneve, volejbollistja 24-vjeçare, Giosde Ozturk dyshohet se i ka dërguar një mesazh ekipit turk të shpëtimit me vendin ku është bllokuar në Antioki.
Në të njëjtën kohë nën rrënojat e të njëjtit pallat thuhet se ndodhet një djalë i vogël, babai i të cilit është në kërkim të tij. Në fakt, babai i fëmijës dyshohet se ka telefonuar në celularin e fëmijës së tij dhe telefonatës i është përgjigjur pa dëgjuar zë.
Më herët, ekipet e shpëtimit shkuan në vendngjarje pasi u dëgjuan zëra nga rrënojat.
Nga ana e misionit grek po punojnë 25 shpëtimtarë nga EMAK 1 dhe 2, një qen, 5 personel mjekësor dhe paramjekësor të EKAV.
Sipas raportimeve, misionet më herët bënë depërtim vertikal në dy pika të ndryshme duke përdorur gjeofone dhe qen shpëtimi.
Ekipet e shpëtimit të shtunën nxorrën më shumë të mbijetuar, përfshirë familje të tëra , nga ndërtesat e shembura.
