Një 46-vjeçar ka tentuar gjatë natës të kryejë vetëvrasje. Ngjarja ka ndodhur në Memaliaj, ndërsa policia njofton se ishin familjarët ata që e dërguan në spital.
“Rreth orës 04:00, shtetasi A. H., 46 vjeç, banues në Memaliaj, është dërguar në spital nga familjarët. Nga veprimet e para hetimore, si dhe sipas dëshmive të familjarëve, shtetasi A. H., dyshohet se në gjendje të rënduar psikologjike është vetëdëmtuar me mjet të mprehtë, në banesën e tij. Shtetasi A. H., është transportuar për në spitalin Tiranë, për ndihmë më të specializuar,” njoftoi policia.
Në vendngjarje shkuan shërbimet e policisë, grupi hetimor po punon për sqarimin e rrethanave të situatës.
