Deputeti i PD-së Edi Paloka në fjalën e tij gjatë protestës së thirr nga Berisha ditën e sotme e krahasoi qeverisjen e Edi Ramës me atë të diktatorit Ever Hoxha.
Paloka ju bëri thirrje të gjithë shqiptarëve që ti bashkohen protestës për të gjitha padrejtësitë që po ju bëhen.
“Dy fjalë dua ti them edhe për ata që nuk janë këtu. As diktatura e Hoxhës nuk u instalua në një natë edhe ai e filloi duke eliminuar opozitën.
Për fat të keq disa shqiptarë heshtën ndërsa disa edhe më keq akoma e brohoritën.
Ju mori çdo gjë prona e bukën e gojës e prap shqiptarët heshtën. Çfarë prisni të bëjë më Rama që të dilni e të protestoni?
A nuk është ky kriminel që nxjerr fëmijët në 4 të mëngjesit dhe ju shemb shtëpitë. Çohuni nga kafet dhe protestoni.”, tha Paloka.
