Familjarët e viktimave të “21 Janarit” depozituan sot një kallëzim të ri në SPAK kundër kreut të demokratëve Sali Berisha, ish-kryedemokratit Lulzim Basha dhe ish-komandantit të Gardës së Republikës, Ndrea Prendi. Mark Nika, xhaxhai i Aleks Nikës i kërkoi drejtësisë së re që të nisë hetimet.
“Kemi renditur shkaqet dhe arsyet e kallëzimit të ri në SPAK për dosjen e 21 Janarit. Ish-kryeministri, ish-ministri i Brendshëm dhe ish-komandanti i Gardës janë kallëzuar. Prokuroria e Tiranës po luan me një plumb që është gjetur në kokën e Aleksit.
Ne na ka rënë në dorë një kasetë që flitet për mekanizmin që ka përdorur Garda. Aty identifikohet zëri i komandantit të gardës, që dha urdhër që të qëllohet në mish. Kasetën e dorëzojmë vetëm te SPAK-u. Te prokuroria e Tiranës nuk kemi besim” tha ai.
Familjarët e 4 viktimave të 21 Janarit, kallëzim të ri në SPAK!
