Policia ka dhënë detaje të reja për makinën tip “BMW X6” që u gjet e braktisur në Elbasan mëngjesin e sotëm.
Në njoftimin zyrtar thuhet se brenda mjetit të parkuar në lagjen “Emin Matraxhiu” kishte armë dhe benzinë dhe dyshohej se do të përdorej për një atentat.
Kush ishte në shënjestër? Policia parandalon atentatin në Elbasan
Policia bën me dije se pasi ka marrë informacion për një ngjarje të mundshme kriminale, ka shkaktuar prezencën në terren.
Mjeti i parkuar përpara shtëpisë së të “fortit”, kush e porositi atentatin në Elbasan?
Shtetasit që do të kryenin ngjarjen kriminale kanë braktisur më pas mjetin në lagjen “Emin Matraxhiu”, në zonën e quajtur “Ish-konservimi”, brenda së cilës janë gjetur 3 armë zjarri kallashnikov dhe 2 bidona me lëndë djegëse (benzinë), të cilat janë sekuestruar nga policia.
Në vijim të kontrolleve, në afërsi të një koshi mbeturinash, policia ka gjetur dhe sekuestruar një çantë, brenda së cilës kishte një armë zjarri pistoletë. Ndërkohë, në policinë e Elbasanit janë shoqëruar disa persona ndërsa vijon puna për zbardhjen e këtij rasti, identifikimin dhe kapjen e autorëve.
FOTO-Parandalimi i atentatit në Elbasan/ Çfarë u gjet brenda “BMW X6″?