Napoli do ta ketë shumë të vështirë t’i mbajë yjet e tij pas këtij sezoni fantastik që po zhvillon me 15 pikë diferencë në krye të Serie A dhe biletën e 1/8-ave.
Florentino Perez është fiksuar me sulmuesin 22-vjeçar të skuadrës së Luciano Spalleti-t, i cili ka kaluar çdo pritshmëri duke u bërë lider në skuadrën e kaltër.
100 milionë euro ka premtuar të paguajë Reali i Madridit për lojtarin e transferuar për 20 milionë nga Rusia.
Vetë gjeorgjiani ia ka hapur derën një transferimi të mundshëm por fillimisht ai duhet të mbyllë sezonin me një trofe dhe më pas mund të mendojë për të ardhmen.
