Kandidati i PD-së për Bashkinë e Tiranës Belind Këlliçi ka reaguar pas aksidentit masiv që ndodhi sot në kryeqytet. Ai shprehet se burimi i aksidentit është xhungla urbane me 1 milion banorë që nuk administrohet, që nuk shtohet me rrugë por vetëm me pallate duke fajësuar Erion Veliajn.
“Uroj me zemër shërim të shpejtë për të lënduarit në aksidentin e sapondodhur! Jo një autobus, por krejt Tirana ka dalë nga korsia. Standardet e transportit publik kanë përfunduar me kohë në Lanë.
Një autobus i lyer jeshil nuk ka lidhje me konceptin e transportit të gjelbër. Burimi i aksidentit është xhungla urbane me 1 milion banorë që nuk administrohet, që nuk shtohet me rrugë por vetëm me pallate. Janë ndërruar autobusët dhe kompanitë. Ndërroni edhe timonierin” shprehet ai.
