Ervis Martinaj pavarësisht se është i zhdukur vijon që të hetohet nga 4 prokurori. SPAK-u për dosjen “Plumbi i Artë”, rekursi për masakrën e Bllokut në 2018, një pengmarrje në 2021 dhe denoncimi për zhdukjen.
Së fundimi Gjykata e Kurbinit ka vendosur të pezullojë gjykimin e dosjes kundër biznesmenit të lojrave të fatit, Ervis Martinaj dhe mikut të tij, Nikolin Nika.
Dy miqtë akuzohen nga prokuroria e Laçit për veprën penale të “Heqjes së paligjshme të lirisë” ndaj shtetasit 63-vjeçar, Nikoll Buna.
Por për shkak se Martinaj dhe Nikolin Nika, nuk dihet se ku ndodhen dhe gjykimi zhvillohet në mungesë të tyre, trupi gjykues që ka në shqyrtim këtë çështje, ka vendosur pezullimin e gjykimit, duke lënë një afat 1 vjeçar për lokalizimin dhe njoftimin e dy të pandehurve.
Ngjarja ka ndodhur në 2 tetor 2021 në fshatin Fushë-Kuqe.
