Prokurimet Publike kanë publikuar dje lidhjen e kontratës mes Autoritetit Rrugor Shqiptar që drejtohet nga Evis Berberi dhe kompanisë “A & E ENGINEERING sh.p.k” për studimin dhe projektimin e “By Pass”-it të Elbasanit. Fondi limit ishte 81 milionë lekë (81,838,647.13 Lekë pa TVSH) ose mbi 700 mijë Euro.
Tenderi u hap në tetor, u mbyll në janar dhe dje u publikua lidhja e kontratës. Fituesja e tenderit thuajse në fondin limit që shkon gati 1 miliard lekë me TVSH është firma e inxhinieres Entela Çano.
Por pikëpyetja lidhet me faktin që Çano është shpallur fituese edhe pse ofroi shumën më të madhe krahasuar me ofertuesit e tjerë, që nuk janë marrë në konsideratë nga ARRSH edhe pse të njëjtën punë kërkuan ta bënin me më pak lekë.
