Policia e Tropojës ka shpallur në kërkim 22-vjeçarin Emiljan Pepkolaj pasi ka kërcënuar me armë zjarri një 32 vjeçar për shkak të një konflikti për motive të dobëta.
Në aksin rrugor “Bajram Curri-Fierzë”, i riu kërcënoi 32-vjeçarin me inicialet G. N.
Pas ngjarjes ai mori automjetin e tij dhe u largua nga vendi i ngjarjes.
Gjatë ndjekjes nga Policia, 22-vjeçari braktisi automjetin e 32-vjeçarit dhe duke përfituar nga errësira, mundi të largohej.
Materialet i kaluan Prokurorisë pranë Gjykatës së Rrethit Gjyqësor Tropojë, për veprime të mëtejshme.
