Është shtyrë sërish seanca ndaj shtetases ruse Svetlana Timofoeva e akuzuar për spiunazh. Mësohet se vendimi ka ardhur pasi pritet që të diskutohet për konkluzionet përfundimtare. Seanca e radhës do të mbahet me 4 Prill në orën 14:00, kur pritet të merret edhe vendimi.
Kujtojmë se, dy rusët Mikhail Zorin, 23-vjeç, Svetlana Timofeeva, 33-vjeç dhe 25-vjeçarin ukrainas Fiodor Mihailoviç, po fotografonin ambientet në Uzinën e Armëve. Teksa tentuan që të futen brenda, u pikasën nga ushtarët shqiptarë të cilët u kanë bërë me shenjë që të ndalojnë. Ato nuk u janë bindur urdhrave të ushtarëve shqiptarë ndërsa njëri prej tyre i ka sulmuar me spraj kimik.
Të tre u arrestuan ndërsa u hetuan edhe si spiunë të shërbimit sekret rus. Në makinën me targa ukrainase që po përdorej prej tyre gjatë qëndrimit në Shqipëri u gjetën 2 dronë, 4 celularë, 1 laptop, 1 kamer, karta memorie, 3 pasaporta, 2 aparate fotografikë, harta.
A do të ekstradohet ajo në Rusi? Timofeva në seancë: Ju lutem mos e bëni, atje më rrezikohet jeta!
