Një aksident është regjistruar pasditen e sotme në Fushë Krujë ku për pasojë ka mbetur e plagosur një grua.
Aksidenti ndodhi rreth orës 17:50, ku një automjet me drejtues me inicialet B. Xh. është përplasur me automjetin me drejtues me inicialet H. B.
Si pasojë e përplasjes është dëmtuar pasagjerja me inicialet M. Xh, që ndodhej në automjetin që drejtonte B. Xh, e cila ndodhet nën kujdesin e mjekëve jashtë rrezikut për jetën.
Grupi hetimor ndodhet në vendngjarje dhe po punon për sqarimin e rrethanave të aksidentit.
