Profesori i njohur amerikan dhe analist i Ballkanit Perëndimor, Daniel Serwer ka folur në lidhje me marrëveshjen evropiane mes Kosovës dhe Serbisë.
Serwer gjatë fjalës së tij kritikoi kryeministrin e Kosovës, Albin Kurtin i cili e pranoi marrëveshjen evropiane.
“Nëse mund t’ju pyes: a ishte e nevojshme të nxitohet në arritjen e një marrëveshjeje, kështu siç është ajo, pikërisht në këtë kohë? A ishte z. Kurti vërtetë nën një trysni të jashtëzakonshme për ta arritur këtë marrëveshje?” ishte pyetja drejtuar Serwerit.
“Ai ishte nën një trysni të jashtëzakonshme, por ai u pajtua për diçka që ishte një disavantazh për Kosovën. Problemet më të mëdha janë ato që nuk janë brenda marrëveshjes.” ishte përgjigja e profesorit amerikan.
