Dy automjete janë përplasur me njëra-tjetrën mbrëmjen e kësaj të premte në superstradën Lezhë-Milot, pranë Ishull Lezhës. Nga aksidenti nuk ka persona të lënduar, por vetëm dëme materiale.
Policia ka kryer të gjitha veprimet hetimore në vendin e ngjarjes, pasi ishin sinjalizuar se personat në fjalë ishin konfliktuar duke përdorur dhe armë, por nuk është arritur të provohet diçka e tillë.
Pak më parë, u raportua se, shoferi që po drejtonte mjetin ndaj të cilit vërshuan plumbat, në përpjekje për t’i shpëtuar atentatit u përplas me një mjet tjetër.
Megjithatë, ngjarja po hetohet nga policia për të parë nëse kemi të bëjmë me një atentat, apo thjesht një aksident rrugor.
