Në lidhje me marrëveshjen mes Kosovës dhe Serbisë ka reaguar edhe presidenti i Francës, Emmanuel Macron.
Pas samitit të Bashkimit Evropian të zhvilluar në Bruksel, Macron përshëndeti marrëveshjen e arritur duke e cilësuar si progres të rëndësishëm.
Presidenti francez shtoi se Franca dhe Gjermania do të vazhdojnë të marrin pjesë aktive në procesin e dialogut ndërmjet 2 vendeve.
Macron u shpreh se është thelbësore që të dy palët të tregojnë përgjegjësi dhe të zbatojnë atë që është rënë dakord në Ohër.
“Përshëndes marrëveshjen që u arrit më 18 mars me ndërmjetësimin e përfaqësuesit të lartë të BE-së, Borrellit. Tani është thelbësore që të dy palët të tregojnë përgjegjësi, duke zbatuar menjëherë marrëveshjen në tërësinë e saj dhe në mirëbesim,” tha Macron.
