Kryeministri i Shqipërisë, Edi Rama i cili ndodhej në Athinë me rastin e hapjes së ekspozitës së tij personale me vepra miks dhe skulptura foli për lidhjet e forta mes dy vendeve.
Duke folur për ankimin e përbashkët në Gjykatën Ndërkombëtare të Drejtësisë në Hagë për zgjidhjen e çështjes së zonave detare, Rama tha se “ka një procedurë që duhet ndjekur” duke nënkuptuar se nuk mund të ndodhë përpara zgjedhjeve parlamentare në Greqi.
Siç theksoi ai, Tirana po ndjek hapat e parashikuar në bazë të procedurave që “të kemi miratimin nga presidenti dhe më pas të fillojmë negociatat”. Me zhvillimet që duket se priten pas zgjedhjeve në në Greqi.
I pyetur se si do të krijonte një vepër që pasqyron marrëdhëniet mes Shqipërisë dhe Greqisë, ai thekson se “arti im nuk pasqyron mendimet e mia për jetën dhe politikën, por një realitet abstrakt me ca kujtime të lira aty-këtu.
Megjithatë, një vepër arti që pasqyron marrëdhënien Shqipëri-Greqi do të ishte një objektiv mjaft i vështirë në një konkurs arti”.
