Zgjedhjet e 14 majit janë kryefjalë e këtyre ditëve. Për të marrë pjesë në këto zgjedhje ka pasur deputetë të cilët kanë marrë vendime si lënia e mandatin e deputetit për të kandiduar.
Nuk janë pak por 5 deputetë të partive të ndryshme të cilët lanë mandatin e deputetit për të qene pjesë e kandidaturave për kryetarë bashkie në zgjedhjet e 14 majit.
Nga Partia Demokratike deputetët Luçiano Boçi, Belind Këlliçi dhe Zef Hila lanë parlamentin për t’u bërë drejtues vendorë.
Nga PS, Benet Beci dhe Besjan Ajazi ishin ata që lanë pas mandatin e tyre për të qenë pjesë e zgjedhjeve.
Për Elbasanin, mandatin e merr Qani Xhafa në vend të Boçit, në Tiranë vjen Asllan Dogjani në vend të Këlliçit dhe në Shkodër, Zef Hila zëvendësohet nga Lodovik Hasani.
Po në Shkodër nga PS, Ilir Beqja kthehet në parlament pasi ikën Benet Beci dhe në Gramsh pas lënies së mandatit nga Besjan Ajazi vjen Shkëlqim Bullari.
