Kryetari i Këshillit të Lartë të Prokurorisë, Alfred Balla ka reaguar me indinjatë ndaj ngjarjes së rëndë që ka ndodhur në ambientet e Top Channel, ku nga të shtënat me armë zjarri mbeti i pajetë roja.
Në reagimin e tij Alfred Balla thotë se kërkon “nga prokuroria e kryeqytetit dhe nga ajo e posaçme ta zbardhin sa më shpejt dhe me përgjegjshmërinë më të lartë këtë ngjarje kriminale, e të dërgojnë përpara ligjit autorët”.
POSTIMI I PLOTË:
Ngjarje vërtet e rëndë ajo e orëve të para të mëngjesit, të sotëm ku godina e televizionit kombëtar “Top Channel” është qëlluar me armë, e ku për pasojë ka humbur jetën roja i sigurisë Pal Kola.
Sulmi mbi “Top Channel”, Berisha: Akt kriminal! Dëshmi e dhimbshme e pasigurisë
Teksa i shpreh në emër të KLP-së ngushëllime familjes së z. Kola, Kryetari i Këshillit të Lartë të Prokurorisë Z.Alfred Balla shpreh indinjatën ndaj këtij akti terrorist dhe kërkon nga prokuroria e kryeqytetit dhe nga ajo e posaçme ta zbardhin sa më shpejt dhe me përgjegjshmërinë më të lartë këtë ngjarje kriminale, e të dërgojnë përpara ligjit autorët.
Sulmi ndaj ‘Top Channel’, Begaj: Ngushëllime familjes, ngjarja të zbardhet sa më shpejt!
