Ministri i Brendshëm, Bledi Çuçi ka reaguar pas ngjarjes së rëndë të mesnatës së sotme, ku persona të paidentifikuar sulmuan me breshëri godinat e televizionit “Top Channel”, e ku si pasojë e të shtënave mbeti i vdekur roja i objektit.
Çuçi shprehet se dënon këtë sulm kriminal, ndërsa garnaton se Policia e Shtetit është e angazhuar maksimalisht për zbardhjen e kësaj ngjarjeje dhe vënien e autorëve para drejtësisë.
Sulmi ndaj ‘Top Channel’, Begaj: Ngushëllime familjes, ngjarja të zbardhet sa më shpejt!
REAGIMI I MINISTRIT ÇUÇI:
“Dënoj sulmin kriminal ndaj godinës së televizionit kombëtar Top Channel. Policia e Shtetit bashkë është maksimalisht e përkushtuar për të zbardhur këtë ngjarje të rëndë dhe për të vënë para drejtësisë autorët. Ngushëllime familjes së të ndjerit dhe solidaritet me #TCH🙏”
