Një 85-vjeçar është hedhur nga kati i pestë i pallatit ku banonte në lagjen nr.3 të qytetit të Pogradecit.
Viktima, i identifikuar si Skënder Muçollari 85 vjeç, ka tentuar disa herë të vetëvritet më herët.
Në momentin e ngjarjes 85-vjeçari ka qenë i vetëm në banesë, pasi nusja e djalit të tij ka qenë në pazar në momentin e hedhjes.
85-vjeçari ka hapur dritaren e dhomës dhe është hedhur, ndërsa mësohet se vuante nga skleroza. Ai është marrë gjallë nga ambulanca, por fatkeqësisht ndërroi jetë në spital.
Ndërkohë, policia dhe grupi hetimor kanë shkuar në vendin e ngjarjes dhe kanë nisur hetimet përkatëse. Trupi i viktimës është përcjellë për në morgun e spitalit për kryerjen e autopsisë.
