Prokuroria Lushnjë ka përfunduar hetimet në lidhje me 4 të pandehur të cilët prodhonin dhe shisnin lëndë narkotike.
Prokuroria gjithashtu i ka dërguar të pandehurit për gjykim.
Sipas njoftimit të prokurorisë i pandehuri me inicialet K.M., akuzohet për kryerjen e veprave penale “Prodhimi dhe shitja e narkotikëve”, në bashkëpunim, dhe “Mosbindje ndaj urdhrit të punonjësit të policisë së rendit publik”.
I pandehuri, Viktor Qerosi akuzohet për kryerjen e veprës penale “Prodhimi dhe shitja e narkotikëve”, në bashkëpunim.
Moisi Prifti akuzohet për kryerjen e veprës penale “Prodhimi dhe shitja e narkotikëve”, në bashkëpunim.
Po ashtu për gjykim ka shkuar dhe shtetasi me inicialet M.M., për kryerjen e veprës penale “Veprime që pengojnë zbulimin e së vërtetës”.
